Dagdreymandi
Suma daga skoða ég foodgawker.com (uppskriftarsíða með myndum) tímunum saman og borða alla girnilega rétti í huganum á mér. Er oft orðin svo södd eftir allt þetta net-át og þreytt eftir alla ímynduðu eldamennskuna að ég nenni ekki að elda alvöru mat.
Aðra daga skoða ég möguleg mastersnám á netinu. Þá les ég fyrst heiamsíður háskóla, les svo um borgina sem um ræðir og skoða af henni myndir, fletti því upp hvers konar stúdentaíbúðir væru í boði og fleira. Mæti í fyrirlestur og rölti um svæðið í huganum.
Þegar félagsþörfin lætur á sér kræla leita ég uppi vini sem nenna að spjalla á fésbókinni eða msn, upplifi djömm og kaffihúsaævintýri í gegnum sænska bloggara og þykist vera memm í samfélaginu með því að lesa fréttauppfærslur.
Það er nú alveg meira hvað maður getur átt viðburðarríkt líf með tölvuhangsi! Eða þannig.
This entry was posted on Saturday, January 23rd, 2010 at 6:18 pm and is filed under Uncategorized. You can follow any responses to this entry through the RSS 2.0 feed. Both comments and pings are currently closed.
January 23rd, 2010 at 8:24 pm
Líf mitt í hnotskurn. Er að byrja að lesa bækur aftur til að reyna að snúa mér aftur yfir í "fínni" ímyndunarheim.
January 26th, 2010 at 4:24 pm
Ég kannast við svona netvafr. Sérstaklega þegar maður leitar að mögulegu framhaldsnámi og skoðar þá eeendalausu möguleika sem eru í boði. Ég er verð bara uppgefin að hugsa um það. Úff..
January 29th, 2010 at 9:06 pm
Ég er mjög gjörn á þetta sama.. Ótrúlega margt sem maður "gerir" bara á netinu en ekki í alvörunni.
Koma að dansa bráðum?